2 Cronica 20:20-22

Ang Biblia (1978)

Ang Moab at Ammon ay nangalat.

²⁰ At sila'y nagsibangong maaga sa kinaumagahan, at nagsilabas sa ^(A)ilang ng Tecoa: at habang sila'y nagsisilabas, si Josaphat ay tumayo, at nagsabi, Dinggin ninyo ako, Oh Juda, at ninyong mga taga Jerusalem; ^(B)sumampalataya kayo sa Panginoon ninyong Dios, sa gayo'y matatatag kayo; sumampalataya kayo sa kaniyang mga propeta, sa gayo'y giginhawa kayo.

²¹ At nang siya'y makakuhang payo sa bayan, kaniyang inihalal sa kanila ang magsisiawit sa Panginoon ^(C)at magsisipuri sa ganda ng kabanalan habang sila'y nagsisilabas na nagpapauna sa hukbo at magsipagsabi, ^(D)Mangagpasalamat kayo sa Panginoon; sapagka't ang kaniyang kaawaan ay magpakailan man.

²² At nang sila'y mangagpasimulang magsiawit at magsipuri, ang Panginoon ay naglagay ng mga ^(E)bakay laban sa mga anak ni ^(F)Ammon, ni Moab, at ng sa bundok ng Seir, na nagsiparoon laban sa Juda; at sila'y nangasugatan.